Bellatrix bied nie akkommodasie nie, maar wel die geleentheid vir dames wat privaat woon om steeds die NWU se unieke studentelewe in koshuisverband te ervaar.

“Susters is soos sterre, jy kan hulle nie altyd sien nie, maar jy weet hulle is altyd daar”. By Bellatrix is ons trots daarop om 'DIE' dames op kampus te wees en ʼn sterk susterlike band te hê waar elke Trixie die ruimte kry om haar uniekheid uit te leef en mekaar op te bou om hul volle potensiaal te bereik. Ons is ʼn hegte familie en ons is baie trots op ons koshuis. Ons bied al die geleenthede van ʼn kampuskoshuis terwyl elke dame in haar eie ruimte/akkommodasie in die dorp bly. Ons streef daarna om vandag se geleenthede in môre se betekenisvolle geskiedenis te omskep, en ons moedig ons mede-Trixie’s aan om hul unieke talente te gebruik om te floreer by die NWU.

Daghuis-visie

Ons droom is dat Bellatrix Dié Damesdaghuis van keuse op die NWU Potchefstroomkampus sal wees waar ons ons dames se unieke bydrae, talente en vaardighede vier.

Daghuis-missie

• Om ʼn veilige omgewing te skep waar elke dame haarself kan wees en haarself ten volle kan uitbeeld.
• Ons waardes aktief implementeer: Integriteit, respek, inklusiwiteit, nederigheid, nut, om diensbaar te wees en ook vriendelikheid. Bellatrix Damesdaghuis implementeer die NWU waardes ten volle.
• Inspireer alle dames om hulle eie unieke pad en drome te vind. Ons dames aan verskeie geleenthede, hulpbronne en inisiatiewe bloot te stel wat hulle sal help met persoonlike groei en selfontdekking.