Corridor 1 - Viooltjies

Viooltjies is die eerste gang aan die suidekant. Hier word jy vriendelik gegroet deur die 'pienk' gang waar die meisies met trots hul krone na byeenkomste dra. Viooltjies het twee gelukbringers. Een is 'Milady', ʼn spieël in die sitkamer van die gang. Hierdie spieël is geposisioneer sodat die Viooltjies hulself kan sien wanneer hulle die koshuis verlaat, om volgens Viooltjies se ander leuse te leef: 'Weerspieël jou vroulikheid'. Die ander gelukbringer is ʼn pienk opgestopte speelding wat soos ʼn eenhoring lyk, haar naam is 'Isabella, Mila, Neuter'.

Corridor 2 - Poison Ivy 

Poison Ivy is die 'Texas cowgirls' van Minjonet. Hul gelukbringer, 'Edna' is ʼn opgestopte speelding wat soos ʼn kaktus lyk. Die gang dra Edna rond tydens interne gang-aksies.

Corridor 3 - Leeubekkie

Leeubekkie is die geestige en ‘LOUD’ gang van Minjonet. Hul slagspreuk gee uitdrukking aan hul aard, naamlik: 'Speel Hard of Gaan Huis toe.' Hul tema is 'Royal Casino', die pak kaarte wat vir hulle baie waardevol is. Die inwoners se gelukbringer is Lady Vadavushka – ʼn pop wat die meisies in die gang verwelkom.

 

Corridor 4 - Iris

Iris is die boonste gang aan die suidekant met die mooiste uitsig oor die kampus en die strate van Potchefstroom. Die gang se tema is Parys en almal dra iets pers na aksies en byeenkomste. Iris se gelukbringer is die Pink Panther.

Corridor 5 - Kruidjie-roer-my-nie

Kruidjie-roer-my-nie is die enigste gang aan die noordekant van Minjonet. Dit is ook die langste gang in die koshuis. Die inwoners dra met trots hul swart ganghemde. Die inwoners is baie trots op hul mede-inwoner, Olifante-krokke-noster-krok-pap-pof-muis-grilllik-swart-kat, wat die gang se gelukbringer is.