Karlien is in 1968 gestig en in die jaar 2024 word Karlien 56 jaar oud. Na al die jare is ons nog steeds net so energiek en trots soos altyd. Karlien bestaan uit sewe gange en is gebou op sewe kernwaardes. Karakter, aanvaarding, respek, lojaliteit, integriteit, eenheid en eer.
Ons embleem is ʼn donkie genaamd Willempie, wat ʼn unieke embleem is. Hy is vernoem na ons eerste koshuisvader: Professor Willem Johannes de Klerk. Die donkie is ʼn simboliese verwysing na die keer toe Jesus Christus duisende jare gelede op ʼn donkie gery het. Willempie verteenwoordig dus nederigheid en ʼn waardegedrewe lewensreis.
Karlien Dameskoshuis maak altyd ʼn indruk waar ons ook al gaan in ons rooi massa. Niks kan die gees en samehorigheid van ons huis tem nie – ons is DIE ROOI MASSA. By Karlien streef ons daarna om in elke opsig die meeste van ons studentelewe te maak.
Geskiedenis
Karlien bestaan al vanaf 1968 en na 47 jaar is die koshuis nog net so energiek en trots soos altyd. Ons embleem is ‘n donkie genaamd Willempie, wat ‘n unieke embleem vir ons is, aangesien Jesus Christus duisende jare terug op ‘n donkie gery het. Willempie verteenwoordig dus vir ons nederigheid en ‘n waardegedrewe lewensreis. Karlien dameskoshuis maak altyd ‘n indruk waar ons gaan in ons rooi massa. Ons is die grootste dameskoshuis op kampus wat daarna streef om ons studentelewe in elke aspek voluit te benut.
Visie
ʼn NWU-dameskoshuis van die hoogste gehalte, waar Karlien se waardes en tradisies deur elke enkele Karlien-dame onderskryf en uitgeleef word.
Missie
Ons sal ons visie nastreef deur doelgerig, sigbaar en ʼn betrokke eenheid te wees wat voortbou op ons gesonde gees en beeld deur onbaatsugtige diens en deur altyd Karlien se naam hoog te hou deur samewerking en lojaliteit.
Waardes
- Integriteit
- Nederigheid
- Respek
- Diensbaarheid
- Toeganklikheid
- Lojaliteit
Bykomende inligting en prettige feite en tradisies:
- Karlien is die enigste dameskoshuis wat byname uitdeel. Byname word gekies tydens R&O. ʼn Bynaam word gesien as ʼn geleentheid vir meisies, ongeag jou agtergrond, verlede of wie jy op hoërskool was, dit is jou nuwe begin om te skep wie jy bestem is om te wees.
- Op kampus staan ons bekend as die “Bere”, en ons hou die titel met trots hoog. Bere vir Karlien verteenwoordig moed, krag, familie (eenheid) en bedagsaamheid; om beskermend te wees van dit waarin ons glo en om selfgeldend te wees. Slaan ʼn vrou, slaan ʼn rots: Wathint’ abafezi, imbokodo.