Bellatrix | Studies | NWU | Noordwes-Universiteit

 

Bellatrix is in haar 17de bestaansjaar & is die grootste koshuis op die NWU se Potchefstroomkampus. Ons verwys na onsself as die Kampuskoshuis in die dorp, want ons bied al die geleenthede van ʼn kampuskoshuis terwyl elke dame in haar eie ruimte in die dorp bly. Elke Bellatrix-dame is daarvoor verantwoordelik om haar eie blyplek te vind. Daar is wel ʼn Bellatrix-gebou waar die dames kan bly as hulle wil, maar dit is nie verpligtend nie. By Bellatrix is ons trots daarop dat ons ‘DIE’ dames op kampus is & ʼn sterk susterlike band het. Ons is ʼn hegte gesin en ons is baie trots op ons koshuis. As jy lid is van Bellatrix kan jy deelneem aan al die aktiwiteite wat die kampus en koshuis bied. Ons vernaamste fokus, by Bellatrix, is om seker te maak dat elke dame raakgesien en waardeer word. Daarom is elke dame in ons koshuis belangrik vir ons & wil ons graag elkeen help om haar volle potensiaal te bereik.