Fasiliteite | Studies | NWU | Noordwes-Universiteit

As dorpskoshuis verskaf ons GLAD NIE vir jou verblyf nie, ons het dus geen kamers of ander verblyfs fasiliteite vir jou beskikbaar nie. Jy is verantwoordelik om jou eie verblyf  in Potchefstroom te reël. Jy kan Pukki verblyf op die Webwerf besoek om jou hiermee te help. Wat ons wel vir jou beskikbaar het, is ‘n Kantoor vir alle administratiewe reëlings of om tydens etenstyd geselskap te soek. Verder het ons ook 'n Klubhuis waar sosiale geleenthede, kursusse en kultuuraksies gehou word.

Meer oor ons kantoor

Ons as bellatrix dameskoshuis het nie ‘n fisiese koshuis op kampus waarna ons kan gaan nie. Ons kantoor is daar vir enige navrae en administatiewe doeleindes. Die kantoorure word ingedeel volgens die HK lede se rooster en sodat ons geen akademiese verpligtinge mis as gevolg hiervan nie en sodoende kry almal dan ‘n beurt om in die kantoor te werk.

  • Ons kantore is by die Absa banktellers op kampus te vinde.
  • Kantoor ure: Maandag – Donderdag 12:00 – 14:00
  • Kantoor nommer: 018 299 2841
  • Ons stuur elke Maandag ‘n e-pos uit om jou op hoogte te hou van gebeure in die koshuis. Hierdie inligting word ook in die kantoor op 'n televisie vertoon.

 

Meer oor ons klubhuis

Hierdie is ons basis. Omdat ons nie ‘n fisiese koshuis het op kampus nie, word hierdie gebruik om enige aksies, sosiale byeenkomste ensovoorts te kan hou. Die klubhuis is ook waar ons kan werk, byvoorbeeld die popkoppe word daar gedoen, stalletjies word daar gebou.

  • Ons klubhuis is op die onderwyskampus
  • Die klubhuis is in 2012 oorgebou en groter gemaak, en in 2013 word die interieur van die klubhuis oorgedoen
  • Die klubhuis word gebruik vir sosiale geleenthede, koshuisverwante opleiding en oefeninge en ook ons baie gewilde koshuisoorslape.

 

Video > Kampus- en dorpskoshuise - 'n vinnige verduideliking rakende verskille en ooreenkomste.