Dinki | Studies | NWU | Noordwes-Universiteit

 

Dinki

Ons dorpskoshuis gee die geleentheid aan Dinki dames om in ‘n koshuis te bly maar ook hul privaatheid te geniet en ook ten volle deel van ‘n koshuis te kan wees. Ons blok woonstelle is reg langs die kampus geleë wat beteken die studente wat by Dinki inskakel hoef nie te ry en nog parkering te soek nie, want die spreekwoord op kampus is: “NWU-Pukke, waar jy graad kry voor jy parkering kry!!” Meer inligting oor ons verblyf kan jy by Fasiliteite kry.

Dinki-dameskoshuis is die oudste dorpskoshuis vir dames op die Puk en spog dus met ’n trotse verlede. Dinki is ’n waardegedrewe koshuis wat op ’n Christelike grondslag bestuur word. In Dinki gaan dit oor familie (susterskap), groei tot stylvolle dames en vet pret.

Dinki is passievol in alles wat ons aanpak en ons skroom nie om groot te droom nie. Ons daag onsself altyd uit en staan saam om te bereik wat ons droom. Ons kantoor en klubhuis is sentraal op kampus geleë. Die klubhuis is Maandae tot Vrydae oop vanaf 09:00 tot 15:00 en dit is ’n miernes van mense. Almal is welkom hier en daar word gereeld tussen klasse gekuier en gewerk.

 
Dinki-dameskoshuis bied aan elke dame die geleentheid om haarself te vind en uit te leef in ’n koshuis met:
 
  • ’n roemryke tradisie;
  • ’n trotse verlede;
  • ’n visie vir die toekoms; en
  • ’n groep vriendinne met ’n hegte eenheidsgevoel.

Dinki se DOELWITTE is:
 
  • ’n stylvolle beeld;
  • aktiewe betrokkenheid;
  • absolute trots; en
  • eenheid wat ’n verskil maak.
Kom wees deel van die Dinki-familie!