Koshuisouers | Studies | NWU | Noordwes-Universiteit

Koshuisouers : Louw & Marelise de Beer

Voorwoord


Om die koshuisouers van Dinki-dameskoshuis te wees, is vir ons ’n verrykende en opwindende ervaring. Ons is opreg breëbors trots op elke Dinki-dame en dra elkeen se belange en geluk op die hart. Dinki-dameskoshuis bied a... 

an elkeen die geleentheid om haar eie potensiaal te ontwikkel op kulturele, sport, akademiese en sosiale gebied. Al wat ons in ruil daarvoor van julle vra, is betrokkenheid, betrokkenheid en nogmaals betrokkenheid. Omdat ons nie op een perseel woon soos die kampuskoshuise nie, gaan dit regtig selfdissipline van elkeen van julle vra om byeenkomste of aksies by te woon, maar wees verseker dat dit die moeite werd sal wees. So kry julle die geleentheid om medestudente te leer ken en waarlik STUDENT te wees.
Jy sal geen oomblik spyt wees dat Dinki jou koshuiskeuse was nie, want ons gaan elke jaar van krag tot krag. Met jou positiewe bydrae kan ons nie anders as om heel bo uit te kom nie. Ons respekteer elke dame se menswaardigheid en sal jou ook dienooreenkomstig behandel. Dit is dus vir my en my vrou, Marelise, ’n vreugde om jou uit te nooi om by Dinki-dameskoshuis aan te sluit. Daarmee beloof ons aan jou ’n vervullende, opwindende en onvergeetlike koshuislewe!
 
Ons sien regtig daarna uit om jou te ontmoet.
 
Louw en Marelise de Beer


 

LOUW DE BEER
Work: 018 299 2158
Home: 018 2944513
Email: Louw.DeBeer@nwu.ac.za