Heimat | Studies | NWU | Noordwes-Universiteit

 

Visie
Om die toonaangewende manskoshuis op kampus te wees deur trots en passie by mekaar te kweek en 'n eenheid van broederskap te vestig, en om die standaard met selfvertroue te stel en dit dinamies te bestuur.
 

Missie

  • Om beste vriende te word, met eerlikheid, openlikheid en vertroue;
  • Betrokkenheid;
  • Om deur ondersteuning en hulp vir mekaar te bied en gee;
  • Hou die huis netjies;
  • Om vir die koshuis geleenthede te skep om betrokke te wees en te groei;
  • Om seniors op die hande te dra en eerstejaars deel te laat voel;
  • Win or lose we shall honour Him.Daar is baie gerugte rakende koshuise.

 

HEIMAT glo nie in gerugte of "rumours" nie. Ons bring vir jou die feite:
 
  • FEIT: HEIMAT wen sport vir 2 jaar en wen RUGBY 2007
  • FEIT: HEIMAT is nou al vir vyf jaar die beste kultuur dorpskoshuis
  • FEIT: HEIMAT is die beste akademiese dorpskoshuis
 
Lees by prestasies verder oor HEIMAT-feite. Ander koshuise bring dalk vir jou verdraaide feite: hulle wen dalk 'n vinnige raak-raak toernooi en sê dan sommer hulle het Rugby gewen. Moenie jouself aan gerugte steur nie, gerugte spruit gewoonlik uit jaloesie. Die spreekwoord lui mos, die hoogste bome vang die meeste wind, of in HEIMAT se geval: Die hoogste boom vang al die wind. 
 

So hoekom HEIMAT? Want jy wil deel wees van die beste en jou studentelewe die meeste geniet! Maak 'n ingeligte keuse!
 

Pretfeite:
  • HEIMAT is 'n ware tuiste, gebou met broederbande eerder as baksteen mure.
  • HEIMAT word gesien as die gentleman op kampus.
  • HEIMAT was jare gelede een van die eerste kampus koshuise.
  • HEIMAT se klubhuis word die "Klapheis" genoem.
  • HEIMAT se jaarafsluiting is die "Tour de HEIMAT".

HOEKOM 'N DORPSKOSHUIS?

HEIMAT is 'n dorpskoshuis. Alle studente wat by HEIMAT ingeskryf is, woon privaat in woonstelle of enige ander behuising wat hulle vir hulleself in die dorp uitgesoek het. Nou vra jy seker: "Hoekom moet ek dan by 'n dorpskoshuis inskryf? " Die antwoord: om deel te wees van die unieke studentelewe op die PUK. Sonder HEIMAT kan jy nie deel hê aan koshuissportligas, kultuuraktiwiteite, die ontvangs- en bekendstellingsprogram of die sosiale studentelewe op die PUK nie!

"Walk in front of them to lead, walk next to them as friends, and walk behind them for perspective and guidance".