Kombuise
In elke gang is ʼn oopplankombuis en ʼn sitkamerarea. Elke kombuis het ʼn waterfilter, ʼn watertenk met koue water en kookwater, en ʼn dubbelwasbak. Die kombuis en sitkamer word gedeel deur die 42 meisies wat in die gang woon.
Aantal kamers
Wag-'n-Bietjie het 83 enkelkamers en 84 dubbelkamers waarin die 251 inwoners gehuisves word. In jou eerste en tweede jaar deel jy ʼn kamer met ʼn kamermaat. Die kamers is gemeubileer met twee beddens en matrasse, twee dubbeldeurkaste, twee lessenaars en stoele, ʼn speldbord, ʼn handdoekreling, ʼn verwarmer vir die winter en twee internetpunte. Die vensters het ook blinders.
Badkamers
In elke gang is daar drie badkamers. Die dubbelkamerbadkamers het drie storte, een bad, twee toilette en vier wasbakke. Die enkelkamerbadkamers het een stort, een toilet en een wasbak.
Waskamers
Die koshuis het 4 waskamers, 2 per blok. Elke waskamer het 2 wasmasjiene, 2 tuimeldroërs, 3 strykpunte en ʼn aantal droograkke. Elke koshuisinwoner het ten minste twee ure per week tyd om wasgoed te doen.
Addisionele fasiliteite
Braai-area: ʼn Gesellige area buite die koshuis waar dames kan ontspan en met vriende kan saamkuier. Ons hou ook sosiale geleenthede en koshuisvergaderings hier.
Die rekenaarlokaal: ʼn Lokaal met 5 rekenaars met onbeperkte internettoegang wat 24/7 beskikbaar is vir al die inwoners.
Fietsloods: ʼn Veilige plek waar enige inwoner welkom is om haar fiets of bromponie te stoor.
