Welkom by die Noordwes-Universiteit – dit begin alles hier!
Die beste manier om die lewe aan die Noordwes-Universiteit te verstaan, is om dit eerstehands te ervaar. So, kom ontdek ons kampusse. Of dit nou op die kampus is of deur ’n virtuele ervaring, jy het verskillende geleenthede om te sien wat NWU bied!
Die #MyNWU-opedae is een uit ʼn miljoen!
Ons weet hoe belangrik dit is om die perfekte plek te vind waar jy jouself kan ontdek en jouself kan toerus met die vaardighede wat nodig is om te floreer. Die NWU-opedae was volgepak met ʼn wye verskeidenheid gebeurtenisse, boeiende lesings, en interessante besprekings. Ons doel was om jou te inspireer en jou ʼn kykie te gee in hoe jou lewe sal wees wanneer jy die NWU kies. Elke herinnering, elke oomblik, elke glimlag. Dit begin alles hier.
Ons kan nie wag om jou as deel van die Noordwes-Universiteit-familie te verwelkom nie.
As jy ons opedae op die kampusse gemis het, kan jy steeds #MyNWU met ons virtuele opedae ontdek.
NWU virtuele toer
Met die NWU se virtuele toer kan jy ons wonderlike kampusse vanuit die gemak van jou huis geniet. Die toer is rondom jou belangstellings saamgestel en gee vir jou ʼn kykie in jou toekomstige lewe as ʼn NWU Eagle – so jy ervaar ʼn unieke toer. Toer #MyNWU – nou!
Kampusbesoek
Is jy ’n top student wat graag jouself wil oortref?
By die Noordwes-Universiteit is uitnemendheid geweef in wie ons is en hoe ons studente oplei. Ons kampusse weerspieël hierdie uitnemendheid, daarom wil ons hê jy moet dit jou sien. Bespreek nou jou kampusbesoek – ons kan nie wag om die NWU-ervaring met jou te deel nie!