Geskep: Jy het jou aansoek begin, maar nog nie ingedien nie.

Wag vir Goedkeuring: Jou aansoek is suksesvol ingedien en sal aanstons verwerk word.

Onderhewig aan Uitstaande Dokumente: Jou aansoek kan eers geëvalueer word sodra alle vereiste stawende dokumente ontvang is. Laai asseblief die uitstaande dokumente wat in jou brief gelys word op via die aansoekportaal.

Onderhewig aan Fakulteitsevaluering: Jou aansoek word tans deur die betrokke fakulteit hersien. Jy sal in kennis gestel word sodra ʼn besluit geneem is.

Aanvaar: Jy het aan alle toelatingsvereistes voldoen en is amptelik aanvaar om by die NWU te studeer.

Onsuksesvol: Jou aansoek vir die huidige akademiese jaar was onsuksesvol. Onttrek Aansoek: Jy kan jou ingediende aansoek onttrek/kanselleer deur op die aansoekportaal aan te teken en Kanselleer Aansoek te kies. Let wel: ʼn Gekanselleerde aansoek word permanent verwyder, maar die administrasiefooie is nie terugbetaalbaar nie. Enige koshuisplek (indien van toepassing) sal verbeur word, en indien jy weer aansoek doen, sal ʼn nuwe administrasiefooi betaalbaar wees.

Webkansellasie: Aansoeke wat in Geskep-status bly en nie voor die sluitingsdatum ingedien word nie, word outomaties gekanselleer en kan nie meer ingedien word nie.

Onderhewig aan Finale Graad 12-uitslae: Gebaseer op jou resultate tot dusver, voldoen jy tans aan die toelatingsvereistes. Finale toelating sal bevestig word sodra jou amptelike Graad 12-uitslae geëvalueer is.

Onderhewig aan die Keuringsproses: Jy voldoen tans aan die minimum toelatingsvereistes. Finale toelating is onderhewig aan die keuringsproses vir jou gekose program. Vir verdere inligting, besoek: https://studies.nwu.ac.za/undergraduate-studies/selection