Kursusse wat keuringstoetse vereis

Keuring vind plaas op grond van akademiese prestasie in Graad 11 of 12 sowel as psigometriese assessering. Die psigometriese evaluering sluit in persoonlikheids-, aanleg- en ander vraelyste soos deur die spesifieke akademiese program vereis.

• Teologie
  • Keuring bestaan uit Graad 11-punte (of Graad 12 indien beskikbaar). Studente wat vir bediening in die Gereformeerde Kerke in Suid-Afrika opgelei wil word, moet ook psigometriese assessering ondergaan. Inligting oor die assesseringsreëlings sal direk deur die fakulteit aan die student gekommunikeer word. Afstandsleerstudente neem asseblief kennis: indien jy wil kwalifiseer vir die bediening binne die Gereformeerde Kerke in Suid-Afrika meld by Potchefstroomse Teologiese Skool (TSP) aan en lê die nodige keuringstoetse af.

• Stads- en Streeksbeplanning
  • Keuring bestaan uit die Graad 11-punte (of Graad 12 indien beskikbaar), ʼn aanlyn vraelys, en ʼn onderhoud met ʼn Stadsbeplanner.
  • Die onderhoud-met-'n-Stadsbeplanner-dokument moet voltooi en ingedien word teen 30 November (met die moontlikheid van verlenging tot registrasie).
  • Gekeurde kandidate kan gevra word om ʼn psigometriese assessering te voltooi.

• Keuring vir Ingenieurswese

Nadat jy jou aansoek ingedien het, sal jy ʼn brief ontvang wat aandui of jy aan die kriteria vir ingenieurswesestudies voldoen. Indien jy nie aan al die programvereistes voldoen met jou Graad 11-punte nie, kan jy steeds deur die keuringskomitee oorweeg word. Die keuringskomitee sal die ingenieurstoets of die Xcel program aanbeveel as alternatiewe maniere om vir ingenieurswese te kwalifiseer. Indien jy ʼn uitnodigingsbrief ontvang om die Ingenieurstoets te skryf (uitgereik deur die STAK/Toelatingskantoor), kan jy die Fakulteit Ingenieurswese kontak vir ʼn afspraak.
Lees meer oor die keuringsproses vir Ingenieurswese.