​​

Nagraadse aansoeke vir 2025 sluit op 30 November.

Hier is wat jy moet doen voordat jy by NWU aansoek doen:

Wat sal ek nodig hê voordat ek kan aansoek doen – minimum vereistes?

• 'n Geldige, unieke en persoonlike e-posadres.
• Jy sal met hierdie e-posadres moet registreer voordat jy kan aansoek doen. Jou e-posadres sal ook as jou gebruikersnaam gebruik word en sal gebruik word om by jou aansoekprofiel aan te meld nadat jy geregistreer het.
• Jy sal ook eers 'n tydelike wagwoord ontvang en nadat jy dit verander het, sal jy altyd jou e-posadres en nuwe wagwoord gebruik om by jou aansoekprofiel aan te meld.

Berei die dokumente voor wat jy elektronies moet oplaai:

• Hou jou ID-dokument en finale graad 11- of 12-uitslae byderhand in digitale formaat.
• Die dokumente moet individueel beskikbaar wees in digitale formaat aangesien dit afsonderlik opgelaai word. Verkieslik beskikbaar as PDF, jpeg, ens. Vir nagraadse aansoeke, sluit asseblief jou navorsingskonsep ook in.

Nou is jy gereed om eers te registreer om aansoek te doen en dan jou aansoek te voltooi.

• Doen een keer per akademiese jaar aansoek: Jy kan net een keer vir die akademiese jaar aansoek doen. Kies tot twee studie-opsies wat ooreenstem met jou doelwitte en belangstellings.

WhatsApp-nommer: +27 (0) 60 070 2606 | SMS-nommer: 31750 | E-pos: studies@nwu.ac.za

Gereelde vrae

Neem asseblief kennis: Weens spesifieke kapasiteitsbeperkings behou die Universiteit die reg voor om kandidate vir toelating tot sekere studierigtings te keur. Dit beteken dat voornemende studente wat aan die minimum vereistes voldoen nie outomaties tot die betrokke kursusse toegelaat sal word nie. Weens die kapasiteitsbeperkings en die hoë aanvraag van studente vir toelating tot bepaalde studierigtings, sal studente op grond van hul graad 12-uitslae vir toelating tot hierdie rigtings gekeur word.